Kategorie: Freddy’s Welt

Servus, i bin´s da Freddy ????

bei uns gibts wieder wos zum gwinna!

und zwar a Tagesfahrt mid unserm
9-Sitzer-Mietbus incl. 200 Freikilometer

und so geht´s

☀️ like unseren Beitrag
☀️ folge unserer Seite
☀️ markiere 2 deiner Freunde
☀️ bewerte unsere Seite Schusteröder Hof

???? Doppelte Gewinnchance bei einer zusätzlichen Teilnahme auf Instagram.????

Gewinnspiel endet am 20.04.2024 um 12 Uhr
verlost wird 1 Tagesfahrt mit 200 Freikilometern und steht in keiner Verbindung mit Instagram und Facebook!

Der Gewinner/in wird von uns persönlich kontaktiert
Eine Barauszahlung des Gewinns ist ausgeschlossen.
Wir wünschen euch allen viel Glück????????????

und freuen uns auf eure zahlreichen Teilnahmen
Euer Schusteröder Hof – Team und natürlich i, da Freddy ????

9-Sitzer Bus- und Autovermietung
Schusteröd 1
94474 Vilshofen
Anfragen und Buchungen unter
08541/7209 oder 0160/6355010
gerne auch WhatsApp
uttenthaler.andreas@gmail.com
www.schusteroeder-hof.de
Schusteröd 1 • 94474 Vilshofen an der Donau

Grias eich, i bin´s wieder der Freddy 🙂

i woas´ iatz hob i lang scho nix mehr von mir hörn losn.
Des hod a sein Grund, i erzähls eich glei…

Mei Andi hod nämlich operiert werdn miasn
drum bleibt iatz fui Verantwortung an mia hänga
und a bisserl, a an de andern.

Inzwischen is er a scho wieder soweit fit,
arbatn derf er hoid nu ned
und er muas dann a no auf Reha.
Drum schmeis iatz i den Hof – gedanklich zumindest.

Fiad Friahschicht hama d´Elli, Nelly und an Sammy ei´teilt.
De mochan pflichtbewusst earnane Runden am Hof.

Tatsächlich oba, kümmert se iatz
da Sepp in da Friah um mi und meine Mädels.
Des is a recht a netter Kerl,
der fohd extra her zu uns zum arbatn
und mochd des a recht guad!

Auf d´ nochd is dann Mädelszeit,
do kimmt dann d´Lisa zu uns in Stoi.
Des is schee, weil dann wird kuschlt!
Des meng ma scho echt gern.

I denk ihr versteht´s iatz warum i grod ned
so fui Zeit hob‘. Oba i versprichs- es gibt boid wieder
mehr Freddy-Gschichtn.

Is ja ned so, dass nix passiern dad, bei uns in Schusteröd.

Bis dohi wünsch´eich a scheene Zeit.
Mochts es guad, eier Freddy

Servus! I bin´s wieder, da Freddy ????

heid hobe wieder wos fia eich. Do werds schau!
Mia ham nämlich iatz wos ganz moderns
an Kuh – Air – Kot

I erklär´s eich glei…
Kuh- steht fia meine Mädels und mi, eh klar!
Air – is quasi de frische Luft
Kot – naja, des spricht glaub i fia sich…

Frei auf deitsch übersetzt hoasd des so fui wia
„Mutterkuhhaltung auf der Weide“
„Kuhl“, gell?

Den könnts iatz ganz einfach mid eierm Handy scannen
und kemmts glei auf unsa Homepage
dann könnts glei weida zu Freddy´s Welt
da finds a olle frühern Geschichtn vo mir zum nochlesen.

I wünsch´eich nu a scheene Woch´
und fui Spaß beim ausprobiern

bis boid
eicher Freddy ????

Servus! I bin´s da Freddy

boid is´wieder soweit,
am 13. Oktober ist wieder Verkauf bei uns!

Da erste noch unserm Umbau!

Da Andi war de letzten Monat recht fleißig
und is´scho fast fertig mit oim.

I deng, dass er´s rechtzeitig schaffa werd´
Zweck´s bessera Organisierung war des notwendig.

Iatz lauft´s dann a bisserl anders als z ´erst…

• 2 Wochen vor dem Verkauf bitte scho bestellen
• off´ hamma nur nu am Verkaufsdog, den schreib´ eich i immer
• oder ihr lest´s es am Schuidl beim Hof
• des is immer nur dann a Freitag vo 16-18 Uhr
• es gibt dann a nix Übrigs mehr in der Theke
• nur no vorbestelle Fleisch- u. Wurstwaren
• Bestellungen bitte nur no über de 01606355010

Ansonst bleibt ois, wia bisher…

d´ Leit´ und s’ Fleisch bleibn de gleichn
Bestelln könnts ab sofort!
Kann sei, dass desmoi a´weng knapp wird,
weil ma scho so lang koan Verkauf mehr ghobt ham…

Mia gfrein uns scho riesig auf eich!

I wünsch eich no a scheens Wochnend

bis boid eier Freddy

Servus i bin´s wieder, eicha Freddy

i sogs eich, des war vielleicht ein Zirkus!
Z´erst ham fui gmoand unser fb-Seiten ham´s ghackt!

Mia ham´s dann a scho glaubt, dawei ham´s es nur kopiert.
Unser Admin hod se glei kümmert, des is echt a Schanierl!
Dangschee, numoi dafia!

Schodn ist koana entstandn, zum Glück!
San de bleed!! Ois wia, wann ma mi kopiern kannt!!!
Mi gibts doch nur oamoi!!

Des ham a glei de meisten vo eich checkt
und uns glei gwarnt!

Kopiern? Pahh! Oana wia koana, sog i do nur!
I bin einfach einmalig!!!

Oba iatz zu wos wichtigern…

unsere Gewinner vo´de Biamaggal san’:
@mitch.schwarzbr
@johanna.brunner
I gratulier´ eich recht herzlich

Wegan obhoin, riaht´s eich bitte bei uns
dann moch ma wos aus.
I hoff oane davo dringts auf mi!

Vui Spaß am Volksfest und feierts schee!
I hör´von da weitn zua!
Mei Spaß kimmt a nu…
wenn bei der Nochd, dann de Bsuffan
bei uns hoamzua vorbeigegnan.

De san immer so fröhlich und waggln so komisch.
Des gfoid ma! So hama olle was davo.

Bis boid, eicha Freddy

Servus i bin´s wieder da Freddy

mei i sogs eich,
iatz hams scho wieder wos neis!

Seit gestern bin i auf Instagram!!!

Koa Ahnung, wos des wieder genau is,
oba mia is eigentle Wurst,
solang meine Mädels und i guad vom Andi versorgt wern,
kinans mocha wos meng!

Zum Kennalerna gibts iatz glei moi a Gewinnspiel
2 x 3 Biermaggal fia´s Voiksfest

i finds ned schlecht,
essn und dringa muas schliesslich a jeda!

Grod mid bier hob i´s ned so,
oba i derf do ja eh ned mid mocha…

Findn doads uns unter „Schusteroederhof“:
https://www.instagram.com/schusteroederhof

Und so gehts:

1. Werds Follower vo unsara Seitn
2. Liket´s as Gwinnspui
3. Markierts zwoa eira Freind in de Kommentare
4. dann posts den Beitrag in engara Story

und schon sads dabei im Lostopf!!

I wünsch eich fui Glück beim Gwinnspui,
und nu mehra Spaß dann am Voiksfest

Und drahts bitte fia mi a rundn aufn brohda,
mi lossns do ja leider ne hi.

Mochts es guad, bis boid wieder,
eicha Freddy

Grias eich, i bin´s wiedermoi da Freddy

Heid Nochd war wieder moi wos los….

Mitt’n bei da Nochd fangd unser Nelly a zum singa und jodln ????

Guad, des kimmt ja öfter moi vor.
De Nelly is nämlich unser Sängerin do am Hof.
Oba eigentlich mit Vorliebe in der Dämmerung und ned in der Nochd.

Zur Zeit schloffan d´ Elli und Nelly gern in da Garasch,
weil´s do einfach kühler is.

Doch heid Nochd is´earna scheints a Igl in Quer kemma.
D´Elli hod se nix dengt, de kenntn wahrscheins scho.

Oba de Nelly hodn hoid lauthals a´gsogd und wollt des klärt hom!
Da Elli is des dann z´laud gwen, hod grantig gschnauft
und hod se an ruhigan Plotz gsuachd.

Des hod oba de Nelly gar ned obghoidn,
schließ´le war der Igl immer nu do drin!

Weil´s na goa koa Ruah gebn hod,
hod da Andi moi nochgschaut, wos da los war.
Er hod des Problem glei erkannt,
hod se seine Schwoassahandschuah ghoid
und den Igl kurzerhand umgsiedld!

Na war wieder a Ruah und mia ham olle wieder weiderschloffa kina.

…und da Andi bleibt der unbestrittene Held von der Nelly!

Mochts es guad, bis boid eier Freddy

Grias eich i bin´s wiedermoi, da Freddy

des muas eich verzeijn …

Des Woch´nend wird in Schusteröd gheigd.
Des gibt wieder fui Arbat,
oba da Andi gibt ois fia unser Winterfuada.
Do duad er sogar Feierdogschindn.

A´learna duad er a fleißig:
Gestern hod er d´Yvonne vo da Hiadt drin fohn losn!
Hod se gar ned so schlecht a´gsteijd!
De moane fohd vom Moped bis zu Bullog eh ois!

Wenn da Mario doch moi a Bauer wird,
dann hod er scho oane, de wo scho a wenga Ahnung hod!
Des hod se an Andi sei Lehrling oba ned gfoin losn.

Bei da nächsten Rundn, zum schwadern,
war unser Jessie wieder voi dabei!

Ned, dass ihr do ebba ihr´n Blotz streitig mochd!
I los ma´s guad geh´in der Zeit und leg mi in Schattn…
i glaub ihr mochts des a.

Dann wünsch´eich nu scheene Pfingstn.
Mocht´s es guad, bis boid,

eier Freddy

Grias eich i bin´s wieder da Freddy 

Es gibt scho wieder wos neis, hob i heid g´herd!
Iatz ham´s seit neiersten, a sowas wia a Webseite…
koa Ahnung wos des is!
Oba sie san mindestens so stoitz drauf,
wia i, wenn ma Nachwuchs kriang!

Werd´ woi scho wos bsunders sei´!
I soid a drin vorkemma 
Freddy´s Welt hoasts do.
Do ka ma nochlesen, wo´s i so ois erleb´ 
und beobacht´ do am Hof.
Und nu fui anders´, wos in Schusteröd sunsd nu so gibt.

Schauts einfoch moi eine, 
unter schusteroeder-hof.de 
I bin scho gspannt ob´s eich 
a so gfoid wia uns

Mia hern uns!

Bis boid, eier Freddy 

Servus i bin´s da Freddy

gestern warn´s wieder echt fleißig in Schusteröd.
Zam´mid de Nochbarn is ganz schee wos ganga…
Do ham´s nämle des Miscanthus g´hecksld
a staubige Sach´war des, des kann eich sogn!

Oba Zeit is´scho worn, weil´s nämle scho wieder frisch austreibt.
Mid dem nossn Weda vorher, ist immer nix gscheids gwen!
Gestern hod´s dann endlich hi´ghaud
do ham dann a boa Nochbarn zamghoiffa
und dann war´s a glei wieder vorbei.

Mia ham uns de ganze Gaudi von da weidn a´schaut
do war wos los, kann i eich sogn!

Des Miscanthus is echt wos guads!
I woas ned ob´s ihr des kennts?
Wochsn duads gegenüber vo unsra Woad.
Des ganze Joar kennan sich Reh, Hosn
und a manchmoi a, a boa Kinder drin verstecka ????
Wenn´s dann g´heckseld is, kann ma´s zum einstrah´, hoazn,
mulchen und nu fui andre Sachan hernemma.
Des scheene is, des kimmt jeds Joar wieder und ma kann
des 20 Joar lang ernten!

Heid geht´s glei wieder weida. ????
Da Andi hod glei in da Friah zum mahn a´gfanga
und heid auf Gschpaad wird dann nu ei´siliert.
Do werd´i mir glei wieder an guad Plotz sichern
damit i a ois gscheid seg.

I wünsch eich nu an scheena dog,
wenn´s megds schauts vorbei!

Bis boid eier Freddy